• News

  • የ ዶ/ር ብርሃኑ ነጋ እና የአንዳርጋቸው ጽጌ የመኖሪያ ቤታቸው በሃራጅ ሽያጭ ጨረታ 6,380,000 (ስድስት ሚሊዮን ሶስት መቶ ሰማንያ ሺህ ) ብር ተሽጦ ለመንግስት ገቢ ሆኗል 20 December 2017 | View comments

  • በሽብርተኝነት ወንጀል ተከሰው በእነ ብርጋዴን ጄኔራል ተፈራ ማሞ የክስ መዝገብ ጉዳያቸው ሲታይ የነበረው ዶ/ር ብርሃኑ ነጋ እና የአንዳርጋቸው ጽጌ የመኖሪያ ቤት በሃራጅ እንዲሸጥ ፍርድ ቤት ውሳኔ መስጠቱ ይታወሳል፡፡

    በመሆኑም የፍርድ ባለመብት የሆነው የፌደራል ዐቃቤ ህግ እና የፍርድ ባለእዳዎች በእነ ዶ/ር ብርሃኑ ነጋ መካከል ስላለው የፍርድ አፈጻጸም ጉዳይ የፌደራል የመጀመሪያ ደረጃ ፍርድ ቤት በመዝገብ ቁጥር 175740 ሰኔ 24/10/2003 ዓ.ም በዋለው ችሎት ቤታቸው በሃራጅ ተሸጦ ለፍርድ ባለመብት ይከፈል በማለት ትዕዛዝ አስተላልፏል፡፡በዚህም መሰረት የፍርድ ባለመብት የፌደራል ዐቃቤ ህግ ሲሆን የፍርድ ባለዕዳዎች ደግሞ
    1ኛ. ዶር ብርሃኑ ነጋ እና
    2ኛ.አንዳርጋቸው ጽጌ ናቸው፡፡

    በኢ.ፌ.ዴ.ሪ ጠቅላይ ፍርድ ቤት የፌዴራል ፍርድ ቤቶች የፍርድ አፈጻጸም ዳይሬክቶሬት ጥቅምት 11 ቀን 2010 ዓ.ም በአዲስ ዘመን ጋዜጣ ባወጣው የሀራጅ ሽያጭ ማስታወቂያ መሰረት በቦሌ ክፍለ ከተማ በአዲስ መንደር የቤት ስራ አክሲዮን ማህበር ውስጥ ያሉ በሽንሻኖ ቁጥር A7(ኤ ሰባት) በመባል የሚታወቅና በጅምር ላይ ያለና ግንባታው ያልተጠናቀቀ ሪል እስቴት የዶ/ር ብርሃኑ ነጋ ሲሆን የቦታው ስፋትም 613 (ስድስት መቶ አስራ ሶስት) ካሬ ሜትር ነው ተብሏል፡፡

    መኖሪያ ቤቱ ለሀራጅ ጨረታ የቀረበበት መነሻ ዋጋም 344,949 (ሶስት መቶ አርባ አራት ሺህ ዘጠኝ መቶ አርባ ዘጠኝ) ሲሆን ታህሳስ 2 ቀን 2010 ዓ.ም በተካሄደው ግልጽ የሆነ የሀራጅ ሽያጭ ጨረታ 6,380,000 (ስድስት ሚሊዮን ሶስት መቶ ሰማንያ ሺህ ) ብር ተሽጦ ለመንግስት ገቢ ሆኗል ሲል በፌዴራል ጠቅላይ ዐቃቤ ህግ የፍትሀብሄር ፍትህ አስተዳደር ዳይሬክቶሬት አስታውቋል፡፡

    ከዚሁ ጋር ተያይዞ የፌዴራል ፍርድ አፈጻጸም መምሪያ የፍርድ ባለመብት የሆነው የፌደራል ዐቃቤ ህግ በ4/02/03 ዓ.ም በተጻፈ የንብረት ዝርዝር ላይ በ1ኛ የፍርድ ባለዕዳ ስም የተመዘገቡ ንብረቶች ማለትም የተለያዩ አክሲዮኖች፣ክሊኒክ፣መኪና እና ቴሌ ሴንተር ንብረቶች በሀራጅ ተሸጠው ለመንግስት ገቢ እንደሚሆኑ የፍርድ ቤቱ ውሳኔ ያትታል፡፡

    በሌላ በኩል ደግሞ በቂርቆስ ክፍለ ከተማ የሚገኘው የአቶ አንዳርጋቸወ ጽጌ የመኖሪያ ቤት ከላይ በተጠቀሰው የሀራጅ ሽያጭ ማስታወቂያ መሰረት የሀራጅ መነሻ ዋጋ 361,999 (ሶስት መቶ ስልሳ አንድ ሺህ ዘጠኝ መቶ ዘጠና ዘጠኝ ብር) ሲሆን 73 ካሬ ሜትር እንደሆነም ታውቋል፡፡በተካሄደው የጨረታ ውድድርም በ1000,000 (በአንድ ሚሊዮን ብር) ተሸጦ ለመንግስት ገቢ እንዲሆን ተደርጓል፡፡

    በመሆኑም የሁለቱ የፍርድ ባለዕዳዎች የመኖሪያ ቤት በተደረገው የሀራጅ ሽያጭ 7,380,000 (ሰባት ሚሊዮን ሦስት መቶ ሰማኒያ ሺህ) ብር ለመንግስት ገቢ መሆኑን መረጃውን ያጠናቀረው የፌዴራል ጠቅላይ ዐቃቤ ህግ የህዝብ ግንኙነትና የኮሙኒኬሽን ጉዳዮች ዳይሬክቶሬት ዘገባ ያስረዳል።

     

    Source: DireTube

    « Back to archive
  • Leave your comment

  • Name:
     
    Email:
    Comment   
    captcha
    Enter the code shown above: