• News

  • በኢሕአዴግ ምክር ቤት በተሰጠው ድምፅ መሠረት ዶ/ር ዓብይ 108፣ አቶ ሽፈራው ሽጉጤ 59፣ ዶ/ር ደብረ ጽዮን ገብረ ሚካኤል ሁለት ድምፆች ማግኘታቸው ተሰምቷል! 28 March 2018 | View comments

  • በኢሕአዴግ ምክር ቤት በተሰጠው ድምፅ መሠረት ዶ/ር ዓብይ 108፣ አቶ ሽፈራው ሽጉጤ 59፣ ዶ/ር ደብረ ጽዮን ገብረ ሚካኤል ሁለት ድምፆች ማግኘታቸው ተሰምቷል!

     

    ኢሕአዴግምክር ቤት ከማክሰኞ መጋቢት 11 ቀን 2010 .ጀምሮ ለአንድ ሳምንት ባደረገው ስብሰባ፣ የኦሮሞ ሕዝብ ዴሞክራሲያዊ ድርጅት (ኦሕዴድ) ሊቀመንበር ዓብይ አህመድን (ዶ/ር) የግንባሩ ሊቀመንበር አድርጎ መረጠ፡፡

    ማክሰኞ መጋቢት 18 ቀን 2010 ዓ.ም. ከምሽቱ አምስት ሰዓት ከምክር ቤቱ የወጣው መግለጫ እንደሚያመለክተው፣ ዶ/ር ዓብይ በምክር ቤቱ በተደረገ ምርጫ ተመርጠዋል፡፡

    የብሔረ አማራ ዴሞክራሲያዊ ንቅናቄ (ብአዴን) ሊቀመንበር አቶ ደመቀ መኰንን ደግሞ በኢሕአዴግ ምክትል ሊቀመንበርነት እንደሚቀጥሉ ታውቋል፡፡

    በኢሕአዴግ ምክር ቤት በተሰጠው ድምፅ መሠረት ዶ/ር ዓብይ 108፣ አቶ ሽፈራው ሽጉጤ 59፣ ዶ/ር ደብረ ጽዮን ገብረ ሚካኤል ሁለት ድምፆች ማግኘታቸው ተሰምቷል፡፡ የኢሕአዴግ ምክር ቤት አባላት ቁጥር 180 ቢሆንም፣ በተለያዩ ምክንያቶች የተጓደሉ አባላት እንዳሉ ይነገራል፡፡

    ምክር ቤቱ የኢሕአዴግ ሦስተኛውን ሊቀመንበር ከመምረጡ በፊት የጠቅላይ ሚኒስትር ኃይለ ማርያም ደሳለኝን የሥራ መልቀቂያ በሙሉ ድምፅ ተቀብሎ አፅድቆታል፡፡ ከሊቀመንበርነት ምርጫ በፊት ምክር ቤቱ የአራቱ የግንባሩ አባል ድርጅቶችን የጥልቅ ተሃድሶ ግምገማ ሪፖርት አዳምጦ ሰፋ ያለ ውይይት አድርጎበታል፡፡

    ምክር ቤቱ ለአንድ ሳምንት ያህል ሲያካሂድ የነበረውን ስብሰባና የግንባሩን ሊቀመንበር ምርጫ በተመለከተ ረቡዕ መጋቢት 19 ቀን 2010 ዓ.ም. መግለጫ እንደሚሰጥ ተገልጿል፡፡

    ከምክር ቤቱ አስቀድሞ በተደረገው የኢሕአዴግ የሥራ አስፈጻሚ ኮሚቴ ስብሰባ የአራቱን አባል ድርጅቶች ግምገማ በጥልቀት ገምግሞ ከጨረሰ በኋላ፣ ለምክር ቤቱ የሚያቀርበውን የመወያያ ሰነድ መዘጋጀቱን  የደቡብ ኢትዮጵያ ሕዝቦች ዴሞክራሲያዊ ንቅናቄ (ደኢሕዴን) ሊቀመንበር አቶሽፈራው ሽጉጤ ተናግረው ነበር፡፡ በወቅቱ በምክር ቤቱ የጠቅላይ ሚኒስትርና የግንባሩ ሊቀመንበር አቶ ኃይለ ማርያም ደሳለኝ መልቀቅ የፈጠረውንየአመራር ክፍተት ለመድፈን፣ የአመራር መተካት እንደሚኖር አመላክተው ነበር፡፡

    በኢሕአዴግ የተለምዶ አሠራር የፓርቲው ሊቀመንበር የአገሪቱ ጠቅላይ ሚኒስትር እንደሚሆን ስለሚታወቅ፣ ተመራጩ ሊቀመንበር በፓርላማ እንደሚሰየሙ ይጠበቃል፡፡

    « Back to archive
  • Leave your comment

  • Name:
     
    Email:
    Comment   
    captcha
    Enter the code shown above: