• News

  • በእነ ብርጋዴር ጄኔራል ተፈራ ማሞ ላይ 15 ቀናት ዓቃቤ ሕግ ክስ እንዲመሠረት ተፈቀደለት 12 October 2019 | View comments

  • ዓቃቤ ሕግ በባህር ዳር ወረዳ ፍርድ ቤትና ባህር ዳር ዙሪያ ከፍተኛ ፍርድ ቤት በተጠርጣሪዎቹ ላይ ምርመራውን እንዳላጠናቀቀና ተጨማሪ የምርመራ ጊዜ እንደሚያስፈልገው ያቀረበው ይግባኝ ተቀባይነት በማጣቱ፣ ለክልሉ ጠቅላይ ፍርድ ቤት ሰበር ሰሚ ችሎት አቤቱታውን አቅርቦ ነበር፡፡ እንደ ዓቃቤ ሕግ አቤቱታ፣ በተጠርጣሪዎቹ ላይ የሚሰበስባቸው የፎረንሲክና የቴክኒክ ምርመራዎች እንደቀሩት ለሥር ፍርድ ቤቶች ቢያሳውቅም፣ ሊቀበሉት እንዳልቻሉና አቤቱታውን ውድቅ ማድረጋቸውን በመጥቀስ ሰበር ሰሚ ችሎት እንዲፈቀድለት ጠይቆ ነበር፡፡ ሰበር ሰሚ ችሎቱ ግን 64 ቀናት የምርመራ ጊዜ ተሰጥቶት ማጠናቀቅ ሲችል አለማጠናቀቁ ተገቢ አለመሆኑን፣ በአቤቱታው ያቀረባቸው ተሰብሳቢ ማስረጃዎች በመንግሥት ተቋማት የሚገኙ በመሆናቸው ከተጠርጣሪዎቹ ጋር ግንኙነት እንደሌላቸው ጠቁሞ አቤቱታውን ውድቅ ማድረጉን አሳውቋል፡፡ በቀጣይም በወንጀለኛ መቅጫ ሥነ ሥርዓት ሕግ ቁጥር 109 ድንጋጌ መሠረት በ15 ቀናት ውስጥ ክሱን እንዲያቀርብና  እስከዛው ድረስ ተጠርጣሪዎቹ በማረሚያ ቤት እንዲቆዩ ትዕዛዝ ሰጥቶ ለጥቅምት 12 ቀን 2012 ዓ.ም. ቀጠሮ ሰጥቷል፡፡

    በተያያዘ ዜና የዕለቱን የችሎት ውሎ ሊመለከቱ በፍርድ ቤቱ አካባቢ የተሰባሰቡ ሰዎች ‹‹ተጠርጣሪዎቹ ይፈቱ›› በማለት ተቃውሞ ማሰማታቸው ታውቋል፡፡ የተቃዋሚዎቹ ቁጥር እየበዛ ሲመጣና ወደ ፍርድ ቤቱ በመጠጋታቸው ፖሊስ አስለቃሽ ጭስ በመጠቀም እንዲበተኑ ማድረጉም ታውቋል፡፡

    « Back to archive
  • Leave your comment

  • Name:
     
    Email:
    Comment   
    captcha
    Enter the code shown above: